وصفات فارس جيدي كعك النقاش

كعك النقاش 🙈

✅العجينة

• 👌3 كيسان و نص فرينة (500 غ)، نصف كأس سكر رطب، رشة ملح، رشة خميرة، م.ص لافاني نخلط مليح.
• 👌نضيف 125غ سمن، 125غ مرغرين طريين، ثم نطم الخليط بنصف كأس خليط ما بين ماء و ماء الزهر.
• 👌نحط العجينة فكيس بلاستيكي ترتاح ليلة كاملة او على الأقل 4سا.

✅الحشو:

• 👌200غ غرس نطريها بالماء مليح ثم نضيف م.ك زيت، م.ك جلجلان محمص، م.ص مارغرين طرية ونخليها تريح (تقدري تستعمليها بلابوش).

✅التشكيل

• 👌نقسم العجينة الى كرات وزن الحبة 30غ ووزن الحشو 15غ، (التشكيل موضح بالصور احسن) كي نشكلهم نخليهم اريحو 15د ونبدا ننقش فيهم.
• 👌كي ننقشهم كامل نحطهم فالسنيوة اريحو 2سا ونطيبهم على 180° كي ايطيبو من التحت نشعل من الفوق حتى ياخذو لون ذهبي... وبصحتكم

❌ملاحظة:

• الكمية تخرج 24حبة، إذا الفرينة نتاعكم تشرب، تقدرو تضيفو القليل من الماء و ماء الزهر حتى تتحصلو على عجينة طرية.